Að neðan má finna einfaldan leiðarvísi um hvernig þú tekur skjáskot á tölvunni þinni, þannig að þú getir sent vinum og vandamönnum, eða ef þú sérð fyndna mynd, Facebook status eða eitthvað þvíumlíkt og vilt reyna að koma myndinni á FlickMyLife.
Skref 1:
Ýttu á Print Screen (stundum merktur PrtScn) hnappinn.
(Til að taka einungis skjáskot af þeim glugga sem er virkur, þá skaltu halda inni Alt og ýta svo á PrintScreen. Sem sagt Alt+PrtScn)
Skref 2:
Opnaðu myndvinnsluforrit (t.d. Paint), og farðu í Edit og veldu þar Paste (einnig hægt að nota flýtivísunina Ctrl+V).
Skref 3:
Vistaðu myndina. Sjálfgefið skrársnið er .bmp, en til að spara pláss þá mælum við frekar að skráarsniðið .jpg eða .png sé notað.
Skref 1:
Þrjár leiðir eru á Mac til að taka skjáskot með einföldum hætti
I. Til að taka skjáskot af öllum skjánum skaltu ýta á Cmd + Shift + 3.
II. Til að taka skjáskot af völdu svæði skaltu ýta á Cmd + Shift + 4, og halda svo vinstri músarhnappinum inni og velja hversu stórt svæði þú vilt taka skjáskot af.
III. Til að taka skjáskot af einum glugga, þá skaltu ýta á Cmd + Shift + 4. Áður en þú velur svæði með músinni, þá skaltu ýta á bilstöngina (e. spacebar). Þá ætti músarbendillinn að breytast í myndavél, og sá gluggi sem er virkur að dekkjast.
Skref 2:
Ekkert meira. Myndin vistast sjálfkrafa á Desktop.
