Instagram bætir tenginguna við Facebook

Instagram, iOS forrit ársins skv. Apple,  gerði nokkrar breytingar á á kerfi sínu síðastliðinn föstudag, sem snúa að tengi við Facebook. Með þessum breytingum er Facebook vinum gert auðveldara að skoða og deila myndum sem koma frá Instagram á Facebook en áður, sem gæti valdið fjölgun notenda á þessari annars vinsælu þjónustu.

Fyrsta breytingin er sú að ef maður kýs að deila Instagram myndum sínum á Facebook, þá fara þær allar í sérstakt albúm „Instagram Photos“ eða mögulega „Instagram myndir“ ef maður er með Facebook á íslensku.

Aðrar breytingar sem fylgja þessu eru þær, að myndirnar birtast í fullri stærð í fréttaveitunni ásamt myndatexta, en ekki með tengil á Instagram URL-ið eins og áður, sbr. eftirfarandi mynd:

Að endingu er hægt að deila myndum á tímalínunni hjá öðrum aðilum, hópum eða Facebook síðum, auk þess sem hægt er að setja inn gamlar Instagram myndir í Instagram albúmið á Facebook, þannig að myndir teknar fyrir 6.janúar 2012 geti líka verið þar inni.