Ef þú átt iPad þá viltu eflaust getað slegið inn séríslenska stafi á tæki þitt. Til allrar hamingju, þá er hægt að fá séríslenska stafi í iPad, iPhone og iPod Touch með mjög einföldum hætti. Áður hefur verið farið út í hvernig þetta er gert á iPhone, en nú kemur stuttur leiðarvísir um hvernig maður fær íslenskt lyklaborð á iPad :
Skref 1: Byrjaðu á að opna Settings og finna þar General.
2. Í General skaltu skruna niður þar til þú sérð og velur Keyboard eða International. Í okkar dæmi er Keyboard valið.
3. Smellið næst á Add New Keyboard… og veljið Icelandið til að bæta við íslensku lyklaborði.
4. Þegar hér er komið við sögu þá er hægt að eyða enska lyklaborðinu út, og er gert með því að smella á Edit í Keyboard valmyndinni og á mínus-merkið við hliðina á English. Þó er auðveldlega hægt að hafa 2 (eða fleiri) lyklaborð, og skipta á milli þeirra eftir hentisemi (sjá mynd að neðan), með því að halda inni takkanum vinstra megin við bilslána þegar texti er ritaður.
Ath!
Sumir notendur fylgja öllum leiðbeiningum eftir í þaula, en telja íslenska lyklaborðið samt ekki vera komið upp hjá sér. Ástæðan er sú að enska lyklaborðið á iOS lítur alveg eins út og það íslenska við fyrstu sýn.
Munurinn er sá að til að fá íslenska stafi þá þarf að ýta á stafi sem tengjast þeim séríslensku, og þá birtist möguleiki yfir sérstafi sem hægt er að rita.
Til að fá Á þarf maður að ýta á A og halda inni, T fyrir Þ, D fyrir Ð, o.s.frv.
1 Comment
Þetta er ótrulega slappt, að sjálfsögðu gerir ég ráð fyrir að fá íslensk lyklaborð, en ekki enskt lyklaborð með íslenskum fixum. Ég vona þetta verði lagað á einhvern hátt.