Google Chrome er kominn á Android

37 prósent af netnotkun á farsímum er á Android tækjum, og því spurðu margir notendur ekki hvort heldur hvenær Android útgáfa af hinum vinsæla netvafra Google Chrome kæmi fyrir Android stýrikerfið, þar sem að leitarvélar- og hugbúnaðarrisinn Google er jú á bak við bæði fyrirbærin.

Beta útgáfa kom út í síðustu viku og hefur farið eins og eldur um sinu hjá Android notendum. Forritið stendur ekki Íslendingum til boða á Android Market, en samt sem áður er hægt að nálgast forritið með því að sækja forritið í .apk skráarformi og hlaða inn í símann (tengill neðst í grein).

Hér að neðan má sjá kynningarmyndband fyrir Android útgáfu af Chrome for Android, ásamt myndum sem sýna skjáskot úr forritinu.