Vistaðu App Store lykilorðið þitt með PasswordPilot

iOS Jailbreak: Eitt af því sem er frekar pirrandi við að setja inn (og sérstaklega uppfæra) forrit úr App Store á iPhone eða iPad er að í hvert skipti þá þarftu að slá inn App Store lykilorðið þitt. Vissulega er ákveðið öryggi sem fylgir þessu, en ef þú nærð einkum í ókeypis forrit eða treystir þeim sem eru nærri þér fyrir iOS tækinu þínu, þá geturðu forðast þessa örlitlu seinkun í hvert skipti sem þig langar að svala þorstanum og ná þér í nýtt forrit.

PasswordPilot er lítil jailbreak viðbót sem vistar App Store lykilorðið þitt, og sparar þér því dýrmætar sekúndur í hvert skiptip sem þú nærð í eða uppfærir forrit úr App Store búðinni.

Til þess að ná í PasswordPilot þarftu eins og áður hefur komið fram að hafa framkvæmt jailbreak iOS tækinu þínu. Ef þú hefur gert það, þá nægir að opna Cydia, leita þar að PasswordPilot, og setja það upp. Einnig er til forritið PasswordPilot Pro, sem kostar $2, og gefur þér fleiri möguleika, t.d. ef þú vilt að innsláttur lykilorðsins séu nauðsynlegur að ákveðnum skilyrðum uppfylltum o.s.frv.

Hægt er að sjá PasswordPilot í notkun í myndbandinu hér fyrir neðan