Fyrir rúmum mánuði síðan, þá sáum við hvernig Tommy Edison notar Instagram þrátt fyrir að vera blindur. Í eftirfarandi myndbandi skýrir hann hvernig hann notar iPhone símann sinn almennt, þökk sé VoiceOver skjálesaranum, en með honum fá blindir og sjónskertir nokkra tilfinningu fyrir því hvernig skjárinn lítur út.
Mörgum þykir ótrúlegt að blindir geti notað snertiskjásíma eins og iPhone.
Tommy Edison gerir það og gott betur, því ekki bara á hann iPhone síma sem hann notar mikið í daglegu lífi sínu, heldur tekur hann talsvert af myndum með Instagram sem hann deilir með heiminum. Spurningin sem brennur þá eflaust á vörum allra er: hvernig?
