Náðu í iPhone 5 leiðarvísinn til að læra betur á símann (eða iOS 6)

Apple hefur lagt það í vana sinn að gefa út nokkuð ítarlegan leiðarvísi í hvert sinn sem þeir senda frá sér nýjan iPhone og nýja útgáfu af iOS stýrikerfinu. Ef þú vilt lesa allan leiðarvísinn, þá skaltu taka eina kvöldstund frá því hann er heilar 365 blaðsíður að lengd.

Það veltur svo á þekkingu lesandans hverju sinni hversu mikið gagn hann hefur af leiðarvísinum, en flestir ættu að finna eitthvað sér til gagns ef þeir renna í gegnum hann.

Leiðarvísirinn er fáanlegur í iBookstore eða hérna og er ókeypis.