Samskiptamiðilinn Twitter greindi nýlega frá því að fyrirtækið muni hætta þróun forritsins TweetDeck fyrir iOS, Android og vefforritunarstaðalinn Adobe AIR.
Twitter sagði í tilkynningu sinni að notendur væru að nota TweetDeck á tölvunum sínum í auknum mæli, og Twitter forritið í snjalltækjum sínum, og fyrir vikið muni fyrirtækið leggja meiri vinnu í opinbera Twitter forritið fyrir iOS og Android, og vefútgáfu TweetDeck á TweetDeck.com.
Mac og PC útgáfur af TweetDeck verða enn til staðar, en munu ekki fá nýjustu eiginleikana sem Twitter býður upp á hverju sinni. Þá mun Facebook stuðningur líka heyra sögunni til í TweetDeck.
Hægt er að lesa nánar um þetta á TweetDeck blogginu.
