Þeir sem lenda í því að Finder á Mac frýs í skráarflutningi eða einhverju öðru, telja sig oft ekki eiga neinna kosta völ en að endurræsa tölvuna eins og hún leggur sig. Það getur verið heldur hvimleitt að þurfa að gera það, sér í lagi þegar maður er kannski að vinna í mörgum forritum í einu. Hér kemur ráð sem sparar manni endurræsingu tölvunnar.

Til að endurræsa Finder er nóg að halda inni Option (Alt) takkanum á lyklaborðinu og smella svo á Finder í Dock-inu með músarhnappinum og þá fær maður Relaunch möguleika, en sá möguleiki er ekki fyrir hendi ef maður heldur inni músarhnappi án þess að halda inni Option (Alt).

Á eftirfarandi myndum má sjá þennan hvar Relaunch möguleikinn birtist þegar Option (Alt) er haldið inni áður en maður smellir og heldur inni músarhnappinum yfir Finder

Einnig er hægt að endurræsa Finder með því að opna Terminal og slá inn eftirfarandi skipun og ýta á Enter:

killall Finder

Ritstjórn
Höfundur