Windows/Mac: Til að stofna aðgang að iTunes búðinni, sem m.a. veitir þér aðgang að App Store þá þarftu að vera með iTunes í tölvunni, þannig að Linux notendur eru því miður úti í kuldanum. Þeir sem eru ekki með iTunes geta sótt það hér.

1. Veldu land með því að ýta á fánana neðst í hægra horninu. Við munum velja Bandaríkin. Gerum það því App Store er ekki formlega í boði fyrir okkur Íslendinga, og auðveldast er að næla sér í inneignarkort í bandarísku App Store.

2. Farðu svo App Store, og reyndu að ná í eitthvað ókeypis forrit með því að smella á „Free App“ undir tákni forritsins sem þú vilt ná í. Þá ertu beðinn um að skrá þig inn eða nýskrá þig.
3. Smelltu á „Create New Account“
4. Smelltu á „Continue“
5. iTunes skilmálar. Skrunaðu hratt yfir skilmála þá eins og 98% notenda gera. Hakaðu við „I have read and agree to these terms and conditions“
6. Smelltu á „Continue“
7. Sláðu inn netfang, lykilorð, öryggisspurningu (og svar við henni) og afmælisdag. Smelltu svo á „Continue“
8. Nú er þér boðið að velja greiðslumáta, og þú velur „None“ sem er lengst til hægri. Sumum hættir hér til að velja PayPal, af því þeir eru með íslenskan PayPal reikning, en þeir virka ekki.

9. Mikilvægt: Nú ertu beðinn um að slá inn heimilisfang og símanúmer í Bandaríkjunum. Annaðhvort geturðu flett upp einhverri búð eða fyrirtæki, og slegið inn þær upplýsingar, eða fengið heimilisfang og upplýsingar af handahófi frá síðum á borð við Real USA Address.

10. Að þessu búnu þá ertu beðinn um að staðfesta reikninginn, og færð staðfestingarpóst sendan frá Apple. Fáðu þér eitt vatnsglas eða kaffibolla til öryggis, og kíktu svo á tölvupóstinn þinn, því nú ætti staðfestingarpósturinn að vera kominn (tekur stundum nokkrar mínútur).
11. Opnaðu tölvupóstinn og smelltu á tengilinn í honum til að virkja reikninginn. Ef þú sérð engan póst, kíktu þá í ruslpóstinn, og kannaður hvort pósturinn frá Apple leynist þar.
12. Tengillinn í tölvupóstinum fer með þig á síðu Apple, sem biður þig um að skrá þig inn til að staðfesta að þú sért með þennan reikning.
13. Ef allt gekk að óskum þá ættirðu núna að vera kominn með iTunes App Store reikning.
Tagged with →  
  • Valgeir

    Virka þessar leiðbeiningar nokkuð lengur?

    • http://www.einstein.is Einstein

      Við notuðum leiðbeiningarnar fyrir minna en tveimur vikum til að stofna App Store reikning, þannig að þær ættu að virka. 

      Lykilatriðið er að byrja að reyna að sækja ókeypis forrit, en ekki gera „Create account“ án þess að reyna að sækja forrit.

  • Sigga

    Eg er ekki ad na ad gera tetta i Ipad. Var buin ad stofna islenskan adgang og fae ekki valmoguleika um ad nota annan adgang. Ef eg reyni ad stofna nyjan adgang i stillingum tharf eg kredidkort.

    • http://www.einstein.is Einstein

      Já, við höfum heyrt af notendum sem hafa lent í svipuðu. Hefurðu prófað að fara í aðra tölvu og reyna þar?

      • Sigga

        Takk fyrir svarið. Já þetta tókst með því að setja upp Itunes í pc tölvunni :)

  • Dísa

    þarftu samt ekki áfram að vera með amerískt kreditkort til að borga Hulu Plus áskrift ?

    • http://www.einstein.is Einstein

      Apple TV eigendur geta a.m.k. borgað fyrir Hulu Plus áskriftina sína í gegnum itunes reikninginn sinn. Höfum ekki kannað hvort sami möguleiki sé til staðar í Hulu Plus forritinu.

  • Kristrún

    Ég get ekki valið none þegar ég fæ upp greiðsluvalmöguleikana. Hvað get ég gert?

    • http://www.einstein.is Einstein

      Það gerist stöku sinnum. Oftast leysist það með því að prófa nokkrum dögum síðar eða reyna úr annarri tölvu. Getur haft samband í gegnum fyrirspurnakerfið ef þú þarft aðstoð við uppsetningu á reikningi.