iPhone/Jailbreak
: Ef þú ert með aflæstan iPhone síma (sjá eftirfarandi grein um muninn á opnum, aflæstum og læstum símum) og hefur uppfært í iOS 5.0.1. (án þess að uppfæra baseband útgáfuna) þá má vera að þú fáir ýmist „No SIM card installed“ eða „No Service“ uppi í vinstra horni símans, þar sem merki þíns þjónustuaðila ætti að birtast, ásamt styrkleika merkisins.

Í eftirfarandi leiðarvísi má finna ráð sem ættu að laga þetta hvimleiða vandamál. Nauðsynlegt er að gera þetta á Windows tölvu:

Skref 1: Jailbreak-aðu iPhone símann þinn en ekki setja upp ultrasn0w (gerum það síðar)

Skref 2: Náðu í forritið i-FunBox hérna, en með því geturðu skoðað stakar skrár og breytt heimild þeirra og margt fleira.

Skref 3: Tengdu iPhone við tölvuna og keyrðu i-FunBox

Skref 4: Náðu í eftirfarandi skrá, annaðhvort þessa skrá fyrir iPhone 3GS, eða þessa skrá fyrir iPhone 4.

Skref 5: Veldu símann þinn og smelltu á (Raw File System). Þaðan skaltu svo fara í möppuna System/Library/Frameworks/CoreTelephony.framework/Support og setja skrána sem þú sóttir í Skrefi 4 í staðinn fyrir CommCenterClassics skrána sem er þegar til staðar.

Skref 6: Lokaðu i-FunBox og taktu iPhone símann úr sambandi.

Skref 7: Farðu í Cydia og sæktu forritið iFile. Þegar það er upsett þá skaltu fara í sömu möppu og í skrefi 5, þ.e.

System/Library/Frameworks/CoreTelephony.framework/Support og smella á bláu örina við hliðina á CommCenterClassics skránni. Þar skaltu hafa hakað við eftirfarandi gildi:

User: Execute, Write, Read
Group: Execute, Read
World: Execute

Skref 8: Smelltu á Done og lokaðu iFile.

Skref 9: Opnaðu Cydia á ný, settu upp ultrasn0w, og endurræstu tækið að lokinni uppsetningu.

 

 

Ritstjórn
Author

Write A Comment