Apple gefur út iOS 5.1

Í gær þá gaf Apple út litla uppfærslu fyrir iOS stýrikerfið sitt, sem er nú komið upp í 5.1. Uppfærslan lagar ýmsar litlar villur, auk þess sem það gerir notendum kleift að eyða myndum úr Photo Stream, auðveldar fólki að taka myndir þegar síminn er læstur, og bætir andlitsgreiningu í myndavélaforritinu. Von allra notenda er sú að rafhlöðuvandamál í iOS 5 séu úr sögunni með iOS 5 uppfærslunni.

Að neðan má finna tengla á iOS 5 fyrir áhugasama. Við bendum þó þeim sem eru með aflæsta síma, þ.e. ýmist iPhone 4 símar með GEVEY korti, eða símar sem aflæstir eru með Ultrasn0w að uppfæra ekki, þar sem að síminn læsist þá við uppfærsluna.