Samfélagsmiðilinn Instagram hefur notið mikilla vinsælda, og fyrir skömmu greindum við frá því að 90 milljón virkir notendur væru að nota þjónustuna. Þrátt fyrir það hefur samfélagsmiðillinn þurft að þola ansi mikla gagnrýni allt frá því að Facebook keypti fyrirtækið á einn milljarð dollara fyrir tæpu ári síðan.
Þegar kynnti Instagram fyrirhugaðar breytingar á friðhelgisskilmálum sínum (sem þeir drógu svo til baka) þá loguðu netheimar. Margir flúðu Instagram og leituðu annað (t.d. yfir á Flickr.
Þótt friðhelgisskilmálar Instagram séu óbreyttir, þá virðist sem fyrirtækið sé rúið trausti notenda sinna eftir allan þennan sirkus, sem vilja margir hverjir eyða reikningi sínum. Ef þú ert í hópi þessara notenda þá skaltu fyrst taka afrit af Instagram myndunum þínum áður þú segir skilið við þjónustuna.
Skref 1: Afrita Instagram myndir
Vefsíðan Instaport gerir þér kleift að tengjast Instagram reikningnum þínum, taka saman allar myndirnar þínar og hlaða þeim niður í þjappaðri .zip skrá sem þú ræður svo hvað þú gerir við.
Skref 2: Eyða Instagram reikningnum
Þegar þú hefur sótt .zip skrána þá skaltu eyða Instagram reikningnum þínum. Það gerirðu með því að skrá þig inn á Instagram.com í hefðbundnum vafra. Þegar þangað er komið skaltu fara í Edit Profile, skruna niður og smella á „I’d like to delete my account“ eins og á myndinni fyrir neðan.
;
