„Download YouTube Videos as MP4“ er mjög einföld viðbót fyrir alla helstu vafra. Með viðbótinni þá bætist lítill „download“ linkur hægra megin við „Share“ á öllum YouTube myndböndum sem maður horfir á, sem getur einfaldað manni lífið til muna, einkum ef maður er að horfa á sömu myndböndin aftur og aftur. Með þessu móti er hægt að spara dýrmæta bandvídd með því að hala myndbandinu einfaldlega niður á tölvuna, og spila það svo aftur beint af tölvunni í staðinn fyrir að fara á YouTube.
Viðbótin vistar YouTube myndbönd á mp4 sniði, sem öll helstu forrit spila hæglega, auk þess sem flestir sjónvarpsflakkarar í dag styðja þetta snið.
Hægt er að nota þessa viðbót á Firefox (með Greasemonkey), Google Chrome, Opera, Safari (með GreaseKit) og Internet Explorer (með IE7Pro. Smellið á tengilinn að neðan og þar á Install.
Download YouTube videos as mp4 [UserScripts]
2 Comments
Þetta er frábært. Annars er ég að leita að leið til að vista efni af ruv.is (t.d. sinfóníutónleika – http://www.ruv.is/sarpurinn/nr/4594557/) á tölvunni minni. Búinn að prófa nokkur plugin fyrir firefox og chrome, en enginn árangur.
Já, við höfum sömu sögu að segja. Þessar hefðbundnu viðbætur til að vista Flash myndbönd virka ekki á Sarpinum hjá RÚV. Látum vita ef við finnum eitthvað.