Forritið er þannig úr garði gert að einungis er hægt að senda einum aðila skilaboð, þannig að þú munt aldrei lenda í því að ætla að senda bróður þínum teiknaða mynd af hjarta sem þú ætlaðir að senda þinni heittelskuðu.
Forritið kom út í mars á þessu ári og hefur síðan farið sigurför um heiminn. Þegar þú opnar forritið í fyrsta sinn þá ferðu í gegnum einfalt nýskráningarferli og bætir síðan þessum eina aðila, og þegar sá aðili hefur skráð sig þá er hægt að hefja notkun á forritinu.
Auk þessara væmnu fídusa, þá býður forritið einnig upp á að skrá inn afmælisdagana ykkar og daginn sem þið kynntust. Einnig er hægt að búa til sameiginlegan verkefnalista, sem mörgum finnst þægilegt að nota þegar flutningar eru í nánd eða stór utanlandsferð framundan.
Pair er fáanlegt í App Store og er ókeypis.
