Eins og staðan er í dag þá þurfa þurfa notendur að ýta á og halda inni A til að fá Á, I til að fá Í o.s.frv. sem getur verið heldur tímafrekt ef maður er að skrifa langt bréf eða tölvupóst.
Með útgáfu iOS 6 stýrikerfisins þá bætti Apple aðeins úr stöðu mála þegar þeir bættu Þ, Æ, Ö og Ð við lyklaborðið, en að okkar mati er það ekki bót á máli að fá einungis suma séríslenska stafi á skjályklaborðið þegar notendur þurfa enn að rita Á, É, Í, Ó og Ú á gamla mátann. Raunar hafa sumir sagt að uppfærslan sé skref til baka, því þeir hafi vanist innslættinum í eldri útgáfum af iOS og þurft að „læra“ að skrifa upp á nýtt ef svo má að orði komast.
Ef þú hefur framkvæmt jailbreak á iOS tækinu þínu, þá geturðu sótt Cydia viðbót sem gerir þér kleift að fá séríslenska stafi á lyklaborðið sem eru alltaf til staðar á skjánum, og flýtir talsvert fyrir ritun á íslenskum texta.
Cydia viðbótin heitir iKeywi og kostar $1.99 í Cydia Store. Þegar þú hefur sótt pakkann þá ferðu í Settings og skrunar niður þangað til þú finnur iKeywi. Þar mælum við með eftirfarandi uppsetningu:
Að þessu búnu skaltu fara til baka og ýta á Save and Respring.
Nú ætti lyklaborðið þitt þá að líta svona út:
