OZ fær 300 milljónir til að þróa framtíðarsjónvarp

Sprota- og hugbúnaðarfyrirtækið OZ mun bráðum bjóða íslenskum Apple TV eigendum upp á nýja og byltingarkennda leið til að horfa á íslenskt sjónvarp.

Með OZ lausninni er hægt að horfa á sjónvarp í háskerpu með iPad, iPhone eða iPod touch (sem keyrir iOS 6), og senda merkið í Apple TV eða annan AirPlay móttakara. Fólk stýrir sinni dagskrá sjálft, getur tekið upp uppáhaldsefnið sitt til einkanota og horft á það síðar, horft á sjónvarp í beinni. Í öllum þessum lausnum er möguleiki á að gera hlé og spóla til baka.

Hægt er að nota þjónustua óháð staðsetningu, þannig að með OZ lausninni getur maður horft á Stöð 2 í bústaðnum án auka afruglara.

Verkefni eins og þetta gerist ekki að sjálfu sér, en öflugur hópur fjárfesta kom að fjámögnun OZ með um 300 milljónir króna, sem verða nýttar í vöruþróun hér á landi. Teymið hefur undanfarið unnið að þessari vöruþróun, undir stjórn Guðjóns Má Guðjónssonar og nálgast nú sá tímapunktur að afurðin komist í hendur almennings.

[pl_blockquote cite=“Guðjón Már Guðjónsson, framkvæmdastjóri OZ“]OZ er ný nálgun á sjónvarpi og eitthvað sem markaðurinn kallar eftir. Með tækni OZ breytist sjónvarpáhorf yfir í nýja tegund upplifunar til að mæta þörfum áhorfenda um aukið frelsi og meiri sveigjanleika. Auk þess er allt á einum stað til að njóta upplifunar á sjónvarpi.[/pl_blockquote]

Fyrst um sinn verður sjónum beint að Íslendingum og markaðinum hérlendis, en þegar fram líða stundir þá hyggst fyrirtækið bjóða upp á OZ lausnina á alþjóðamarkaði. Samningaviðræður við erlenda erlendar efnisveitur og framleiðendur tölvu- og raftækja eru þegar hafnar, með það fyrir augum að tryggja frekari útbreiðslu.

Prófanir á kerfinu hafa staðið yfir síðustu mánuði og má segja að árangurinn verið framar væntingum. Áhugi Íslendinga hefur ekki látið á sér standa og þegar hafa þúsundir skráð sig til leiks og biðlistinn stækkar hratt.

[pl_blockquote cite=“Steingrímur Árnason, vörustjóri hjá OZ. „]Allar prófanir hafa sýnt það að bæði tæknin og markaðurinn eru reiðubúin til að taka stökkið. Við hjá OZ erum gríðarspennt að opna fyrir þjónustuna á næstunni og það er einkar ánægjulegt að taka fyrstu skrefin hér heima á Íslandi.[/pl_blockquote]

Opnað verður fyrir nokkur hundruð notendur til viðbótar innan skamms og geta áhugasamir skráð sig á heimasíðu OZ. Allir sem eru skráðir á póstlistann munu fá frían prufuaðgang að OZ við útgáfu.