Bandaríkin eru án nokkurs vafa einn allra vinsælasti áfangastaður Íslendinga, sem vilja taka smá pásu frá hversdagsleikanum og sjá hversu mikið álag segulröndin á kreditkortinu þolir.
Þessir sömu ferðalangar hafa oft hug á því að kaupa einhver ákveðin raftæki, og nýta sér ódýrt verðlag í Bandaríkjunum, og iPhone símar eru þar engin undantekning. Mörgum þykir þó verðlag á iPhone símum vera heldur ruglingslegt, og ætlun okkar er að skýra betur hvar og hvernig þú getur keypt iPhone síma í Bandaríkjunum.
Apple sendi nokkrar auglýsingar frá sér í kjölfar útgáfu iPhone 5 símans sem kom á markað í síðustu viku og er væntanlegur í verslanir hérlendis síðar í þessari viku. Í einni af þessum auglýsingum skýtur Apple aðeins á helsta Samsung að því er varðar skjástærð símans.