Í gær kom 4.0 fastbúnaðaruppfærsla (e. firmware) af stýrikerfinu sem PlayStation 3 keyrir. Uppfærslan er liður í undirbúningi útgáfu á PlayStation Vita, arftaka PlayStation Portable handleikjatölvunnar.
Markmiðið með uppfærslunni er að gera PS3 að nokkurs konar miðstöð tónlistar og myndefnis, sem getur þá miðlað efni yfir á PS Vita.
Einnig verður hægt að:
- Afrita leiki, tónlist, myndir og myndbönd á milli PS3 go PS Vita
- Taka öryggisafrit af leikjum á PS Vista og vista á harða disknum í PS3 tölvu.
- Uppfæra stýrikerfið í PS Vita í gegnum PS3.
Þá geta meðlimir PlayStation Plus þjónustunnar virkjað ýmsar sjálfvirkar uppfærslur á leikjum, stýrkerfisuppfærslum o.fl.
Í stuttu máli þá hefur þessi uppfærsla engar stórvægilegar breytingar í för með sér nema maður stefni annaðhvort á að kaupa sér PS Vita eða að ef maður nýtir sér PlayStation Plus þjónustuna.
PS3 System Software Update [PlayStation Blog]
