Undir vissum kringumstæðum, þá getur verið þægilegt að vista vefsíðurnar urðu á vegi þínum í nethringnum, og skoða þær síðar, t.d. ef þú sérð fram á að verða netlaus næstu daga eða eitthvað álíka.

Ef þú notar Chrome netvafrann frá Google, þá er til viðbót sem heitir ZipTabs sem einfaldar þessa aðgerð og gerir hana raunar nokkuð þægilega. Til þess að setja upp ZipTabs þá gerirðu eftirfarandi:

Skref 1: Náðu í SingleFile Core viðbótina fyrir Chrome. Hún er nauðsynleg svo ZipTabs geti tekið saman þá flipa sem eru opnir og þjappað þeim saman í eina ZIP skrá.

Skref 2: Náðu í ZipTabs viðbótina fyrir Chrome.

Skref 3: Endurræstu Chrome.

Til þess að nota ZipTabs þá smellirðu bara á ZipTabs merkið í tækjastikunni (uppi hægra megin), og vistar hana í Downloads möppunni þinni.