Talið er að Apple sé nú að semja við netkortaframleiðandann Broadcom um framleiðslu á netkortum sem styðja þráðlausa dreifingu eftir IEEE 802.11ac staðlinum, og gengur í daglegu tali undir nafninu 5G Wi-Fi.
Með 5G Wi-Fi mun flutningsgetan á þráðlausum staðarnetum aukast gífurlega, en hámarkshraði á 802.11n beinum (e. router) í dag er 450Mbps. Áætluð flutningsgeta 5G Wi-Fi er talin vera 1,3Gbps.
Flestir beinar á íslenskum markaði í dag eru með fræðilega flutningsgetu sem nemur 300Mbps (37,5 MB/s) en raunhraði notenda er oftast langt því frá að vera svo mikill. Með Gigabit Wi-Fi má gera ráð fyrir að flutningshraði notenda jafnist á við þegar menn tengja tölvur sínar við beininn sinn með Ethernet snúru.
