Box (sem hét áður Box.net) forritið hefur verið uppfært og styður nú iPhone 5. Til að fagna þeim áfanga þá hefur hið ágæta fólk hjá Box ákveðið að bjóða upp á 10GB af plássi fyrir nýja notendur (eða gamla notendur með minna en 10GB af plássi).
Margir eru um hituna þegar geymsla gagna í skýinu er annars vegar. Dropbox, iCloud, SugarSync, SkyDrive, Google Drive og Box eru helstu aðilarnir í þessum bransa, og fyrirtækin eru sífellt að reyna að laða til sín notendur frá samkeppnisaðilum sínum.
Til þess að nýta sér tilboðið þá þurfa notendur bara sækja Box forritið í App Store, opna það fyrir 31. október, og innskrá sig (eða nýskrá).
Maður segir ekki nei við 10GB af ókeypis plássi á netinu, en vert er að hafa það í huga að til þess að nálgast gögnin sem þú hleður upp á Box í tölvunni þinni, þá verður þú að fara inn á síðuna þeirra sérstaklega og skrá þig inn þar. Þá sérðu gögnin þín í stjórnborðinu og getur nálgast þau þar.
Athugið að þeir sem nýttu sér 50GB boðið þeirra í fyrra virðast ekki vera að fá 10GB til viðbótar á reikninginn sinn.
Box forritið fæst í App Store og er ókeypis.
